Bugun Chirchiq davlat pedagogika universitetida “Scopus, Web of Science va Google Scholar ilmiy texnik bazalarida professor-o‘qituvchilarning H-indeksi” mavzusida trening tashkil etildi. 

   Professor-oʻqituvchilar va ilmiy tadqiqotchilar uchun oʻtkazilgan mashgʻulotni Scopus va Web of Science ilmiy texnik bazalarida 100 dan ortiq ilmiy maqolalar muallifi, xalqaro loyiha rahbari, texnika fanlari doktori, professor Ziyoda Adilova olib bordi.

   Mashg‘ulotda ilmiy maqola yozish usullari, mavzu tanlash, maqolalarni jurnallarga berish tartibi va bosqichlari haqida ma’lumot berilib, hozirda professor-o‘qituvchilar tomonidan yo‘l qo‘yilayotgan kamchilik va tushunmovchiliklar muhokama qilindi.