Chop etdi: OTM axborot xizmati | Ko'rildi: 189 marta
Tegishli bo'limi: Madaniy va ma'rifiy tadbirlar
Universitetda individual yondashuv orqali ta’lim jarayonini keng joriy etish jarayoni faollashdi. Bugungi kunda bu borada izchil ishlar amalga oshirilmoqda. Individual ta’lim faoliyatining istiqbolli yo‘nalishlarini aniqlash, yoshlar innovatsion g‘oyalarini qo‘llab-quvvatlash, yangi ishlanma va texnologiyalar namoyishi, startap loyihalar iqtidorli yoshlarda ilmiy-tadqiqot ko‘nikmalarini shakllantirish yuzasidan tizimli chora-tadbirlarni ko‘rmoqda.
Universitet rektori tashabbusi bilan ta’lim sohalari uchun maqbul muhit va infratuzilmalarni yaratish maqsadida "Individual ta’lim va innovatsion g‘oyalarni rivojlantirish markazi"ni tashkil etdi. Ushbu markaz talabalarning innovatsion g‘oyalarni pishitib, ularni startap mahsulotga aylantiradi va kelgusida ta’limga yo‘naltiradi.
"Universitetda minglab iqtidorli yoshlar, yosh tadqiqotchilar bor. Ularni jalb etib, ilmiy izlanishlarini qo‘llab-quvvatlash kerak. Talabalarning ilmiy suyanchig‘i, baza bo‘lishi zarur" degan fikrlar markaz ekspertlari tomonidan taʼkidlandi.
Kuni kecha, "Individual ta’lim va innovatsion g‘oyalarni rivojlantirish markazi" tomonidan talabalar hamda yosh tadqiqotchi o‘qituvchilarning ilmiy ishlanmalari, startap g‘oyalarini qo‘llab-quvvatlash va ta’limdagi mavjud muammolarning yechimini topishga qaratilgan yangi loyihaga start berildi.
"Gʻoyalar generatori"ning ilk co-workingda markaz ekspertlari sifatida Yoshlar masalalari va maʼnaviy-maʼrifiy ishlar boʻyicha birinchi prorektor S.B.Qorayev, professorlar U.N.Xoʻjamqulov, Sh.I.Botirova universitet psixologi Phd S.X.Gayupova, PhD M.F.Qurbonova, PhD Sh.M.Mirzaraxmonova, "Yoshlar akademiyasi" liderlari, 9 ta fakultetdan 100ga yaqin talabalar ishtirok etishdi.
Ma’lumot o‘rnida: "2024-yil — Yoshlar va biznesni qo‘llab-quvvatlash yili"