2022 yil 3 mart kuni institut Bosh binosi kutubxonasi о‘qish zalida Toshkent viloyati Chirchiq davlat pedagogika institutida “8 MART – Xalqaro xotin-qizlar kuni” bayrami munosabati bilan о‘tkaziladigan fakultetlararo ayol professor о‘qituvchilar о‘rtasida “Zakovat malikalari” intellektual tanlovi о‘tkazildi.

Tanlovda jami fakultetlar va rektorat tuzilmalaridan 10 ta jamoa ishtirok etib, 11 raundlik savollarga javob berdilar. Tanlov tashkilotchilari tomnidan tayyorlangan savollar mantiqiy, ilmiy va ma’naviy jihatdan institut ayollariga ijtimoiy-ma’naviy bilimlarini yanada mustahkamlash va amaliy kо‘nikmalarini rivojlantirish, ularning mamlakatimiz ijtimoiy hayotida amalga oshirilayotgan islohotlarning mazmun-mohiyati yuzasidan yaqindan tanishtirish, faol ayollarni rag‘batlantirish, kasaba uyushmasi hayotidagi ijtimoiy faolligini oshirish hamda ularni Vatanimiz, xalqimiz, milliy qadriyatlarimiz, tarixiy-ma’naviy merosimizga hurmat ruhiyatini shakllantirish, ular uchun bayramona kayfiyatni uyushtirish, ayollarning ijodiy salohiyati va ularning о‘z iqtidorlarini namoyish etish uchun imkoniyat yaratildi.

Tanlovda 7 ball tо‘plagan San’atshunoslik fakulteti jamoasi faxrli
1-о‘rinni, 6 ball tо‘plagan Gumanitar fanlar fakulteti jamoasi
2-о‘rinni, 4 ball tо‘plagan 5 ta fakultetlar jamoalari 3-о‘rinni egallashdi.

Tanlov ishtirokchilari institut boshlang‘ich kasaba uyushma qо‘mitasi tomonidan ta’sis etilgan qimmatbaho sovg‘alar bilan, faol ishtirok etgan va tashkillashtirishda yaqindan yordam bergan tashkilotchilarga rag‘batlantiruvchi sovg‘alar tarqatildi.

Ma’lumot tayyorladi: 

Toshkent viloyati Chirchiq davlat
pedagogika instituti boshlang‘ich
kasaba uyushma qо‘mitasi raisi D.Zakirov