Chop etdi: Fayziyev | Ko'rildi: 761 marta
Tegishli bo'limi: Yangiliklar
Toshkent viloyati Chirchiq davlat pedagogika institutiga Malayziyaning Turizm sanoati vazirligi vakillari Moxammad Аbdullox va Shima Basri tashrif buyurdilar. Institut rahbariyatidan oʼquv ishlari boʼyicha prorektor I.Xaydarov boshchiligida fakultet dekanlari va boʼlim boshliqlari uchrashuvda ishtirok etishdi.
Uchrashuv avvalida ikki tomon vakillari tomonidan tashkilotlar haqida hamda ularda olib borilayotgan ishlar toʼgʼrisida atroflicha maʼlumotlar berildi. Shu bilan birga Oʼzbekiston hamda Malayziya davlatlari oʼrtasida turizm sohasini yanada rivojlantirish, Oʼzbekiston turizm salohiyatini malayziyalik sayohatchilar uchun toʼliq namoyon etish boʼyicha takliflar va tavsiyalar, taʼlim tizimida turizmga oid fan dasturlari va taʼlim standartlarini takomillashtirish boʼyicha masalalar muhokama qilindi.
Institutning Turizm fakulteti talabalari bilan “COVID-19 pandemiyasidan soʼng turizm sanoati:... muammolar va yechimlar” mavzusida amaliy seminar tashkil etildi. Seminar davomida talabalar oʼzlarini qiziqtirgan savollariga mutaxassislardan javoblar olishdi.
Imstitit axborot xizmati