Chop etdi: Fayziyev | Ko'rildi: 674 marta
Tegishli bo'limi: Rasmiy tashriflar
Joriy yilning 14-yanvar kuni Chirchiq davlat pedagogika universiteti va Janubiy Koreaning Chungnam universiteti o‘rtasida uchrashuv bo‘lib o‘tdi.
Uchrashuvda universitetlar o‘rtasidagi hamkorlikni rivojlantirish, Pedagogika fakulteti magistrlarining amaliyot o‘tash va doktoranturada tahsil olishlari uchun imkoniyatlar, fakultet qoshida pedagogika va psixologiya va ijtimoiy soha vakillarining malakasini oshirish bo‘yicha o‘quv seminarlarini tashkil etish muhokama etildi.
Muloqotlar davomida Maktab menejmenti, Psixologiya, Umumiy pedagogika kafedralari bilan hamkorlikda o‘quv va ilmiy adabiyotlar almashinuvi kabi masalalar bo‘yicha ilk kelishuvga erishildi.
Uchrashuv so‘ngida ikki universitetning tegishli fakultetlari o‘rtasida ilmiy, akademik va kadrlar tayyorlashdagi ko‘p qirrali hamkorlik borasidagi memorandum imzolandi. Ushbu hamkorlik natijasida pedagogika sohasida yetuk kadrlar tayyorlashga umid bildirildi.