Chop etdi: ADMIN | Ko'rildi: 1274 marta
Tegishli bo'limi: Institut e'lonlari
«КАМАLАК-АRТ» ижодий ишлар танлови тўғрисида
НИЗОМ
- Умумий қоидалар:
-
«КАМАLАК-АRТ» ижодий ишлар танлови (матнда “Танлов” деб ёзилади) Ўзбекистон Республакаси Президентининг 2020 йил Олий Мажлисга ва Ўзбекистон халқига Мурожаатномаси, 2020 йил 25 декабрь куни “Ўзбекистон Ёшлар форуми”даги нутқи, 2019 йил 3 майдаги “Маънавий-маърифий ишлар самарадорлигини ошириш бўйича қўшимча чора-тадбирлар тўғрисида” ПҚ-4307-сон Қарори, 2021 йил 19 январь куни Республика Маънавият ва маърифат кенгашининг мажлиси, Ўзбекистон Республикаси Вазирлар Маҳкамасининг 2020 йил 24 августдаги “Ўзбекистонда ёшларга оид давлат сиёсатини 2025 йилгача ривожлантириш концепциясини тасдиқлаш тўғрисида” 503-сон Қарори ҳамда “2021 йил - Ёшларни қўллаб-қувватлаш ва аҳоли саломатлигини мустаҳкамлаш йили” Давлат дастури, Олий ва ўрта махсус таълим вазирлигининг 2020 йил 6 октябрдаги 520-сонли буйруғида белгиланган вазифалардан келиб чиққан ҳолда ўтказилади.
- 2. “Танлов”нинг мақсади ва вазифалари:
- “Танлов”нинг мақсади – “Учинчи Ренессанс мактаб остонасидан бошланади” деган ғояни ўқувчи-талабалар ижоди орқали амалиётга жорий қилиш, тасвирий ва амалий безак санъатига иқтидори бўлган ёшларни саралаш, уларнинг ижодларини жамоатчилик орасида кенг тарғиб қилишдан иборат.
- “Танлов”нинг вазифалари:
- ўқувчи-талабаларнинг тасвирий ва амалий безак санъати ҳақидаги тасаввурларини бойитиш;
- ўқувчи-талабаларда ижод эркинлиги туйғусини шакллантириш, тасаввур асосида тасвирлаш қобилиятини ривожлантириш;
- ўқувчи-ёшларнинг бўш вақтини ҳунар эгаллашга қаратилган фаолиятга йўналтириш орқали рассомлик санъати ҳақидаги билимларини мустаҳкамлаш;
- истеъдодли ўқувчи-талабалар томонидан ишланган тасвирий ва амалий безак санъати ишланмалари галереясини яратиш ва ҳудудларда намойиш қилиш;
- ўқувчи-ёшлар истеъдодини рағбатлантириш орқали уларнинг фан, таълим, тарбия ва бунёдкорлик соҳасидаги ташаббус ва ғояларини қўллаб-қувватлаш.
-
- “Танлов”ни ўтказиш тартиби, шартлари ва баҳолаш мезонлари:
“Танлов” Ўзбекистон Бадиий академияси, Тошкент вилояти Чирчиқ давлат педагогика институти, Тошкент вилояти Халқ таълими Бошқармаси, Тошкент вилояти бадиий ижодкорлар уюшмаси, Чирчиқ шаҳар Халқ таълими бўлими муассислигида Ташкилий қўмита таркиби шакллантирилади.
“Танлов” ҳар йили март ойида ўтказилади.
“Танлов”ни ўтказиш бўйича малакали тасвирий санъат ўқитучилари, таниқли рассомлар, Ўзбекистон Бадиий академиясига қарашли ижодий уюшма вакилларидан иборат Ҳакамлар ҳайъати тузилади.
- Номинация бўйича танловнинг дастлабки уч босқичида иштирокчилар ўз лойиҳаларини телеграмм канали орқали тақдим этади.
- Тақдим этилган ижодий ишлар 100 (юз) баллик тизимда баҳоланади.
- “Танлов”да иштирок этган ўқувчи-ёшларнинг ижодий ишлари асосида кўргазма уюштирилади.
- “Танлов” учта ёш тоифасида 1-4 синф, 5-7 синф, 8-11 синф ўқувчилари ўртасида “Санъат болалар нигоҳида” мавзусида ўтказилади. Танловда Тошкент вилоятидаги умумтаълим мактаблари, мусиқа ва санъат мактаблари иштирок этиши мумкин.
- 1-4 синф ўқувчилари учун танлов қуйидаги йўналишларда ўтказилади:
- Тасвирий санъат (рангтасвир, графика ва ҳайкалтарошлик бўйича) ва амалий санъат;
- 5-7 синф ўқувчилари учун танлов қуйидаги йўналишларда ўтказилади:
- Тасвирий санъат (рангтасвир, графика ва ҳайкалтарошлик бўйича) ва амалий санъат;
- 8-11- синф ўқувчилари учун танлов қуйидаги йўналишларда ўтказилади::
- Тасвирий санъат (рангтасвир, графика ва ҳайкалтарошлик бўйича) ва амалий санъат;
- “Танлов” номинациялари:
- - Энг яхши рангтасвир асари;
- - Энг яхши ҳайкалтарошлик асари;
- - Энг яхши амалий санъат асари;
- Энг яхши график санъат асари.
- Энг ноанъанавий композиция;
- “Танлов”га тақдим этиладиган ишларга қўйиладиган талаблар
- тасвирий санъатдаги янги йўналиш ва инновацияни акс эттириши;
- ноанъанавий композицияларни намоён қилиш.
- айнан бир ижодкорнинг асаридан нусха кўчирилмаслиги.
- миллий қадриятларимизнинг акс этиши;
-
- “Танлов”ни ўтказиш босқичлари:
Биринчи босқич – умумтаълим мактабларида март ойининг 15-санасига қадар ўтказилади. Танлов натижаси Ҳакамлар ҳайъати қарорининг баённомаси асосида Ташкилий қўмитага тақдим этилади.;
Иккинчи босқич – шаҳар ва туманларда март ойининг 27-санасига қадар ўтказилади. Танлов натижаси Ҳакамлар ҳайъати қарорининг баённомаси асосида Ташкилий қўмитага тақдим этилади.
Шаҳар ва туман босқичи натижалари ҳар бир иштирокчининг аризаси асосида Ташкилий қўмитага тақдим этилади.
Учинчи босқич иштирокчиларининг асарларини Ташкилий қўмита қошидаги Ҳакамлар ҳайъати бахолайди.
- Биринчи ва Иккинчи босқичда қайси номинация бўйича таклиф келиб тушса, фақат шу номинация бўйича танлов ўтказилади.
- “Танлов”нинг шаҳар, туман босқичида ҳар бир номинациядан 1-ўринни эгаллаган иштирокчи Учинчи босқичга йўлланма олади.
Учинчи босқич (якуний босқич) Тошкент вилояти Чирчиқ давлат педагогика институтида ўтказилади ва шу куни натижалар эълон қилинади.
- “Танлов”да иштирок этиш тартиби:
Ташкилий қўмита “Педагогик синергия” илмий-амалий семинар телеграм канали” орқали “Танлов” тўғрисида эълон беради.
Эълон берилган кундан бошлаб 10 кун муддат ичида иштирокчилар ариза асосида Ташкилий қўмита мурожаат қилишлари керак.
Иштирокчи туғилганлик тўғрисида гувоҳномани электрон шаклда Ташкилий қўмитага тақдим этади.
Ташкилий қўмитанинг манзили: Чирчиқ шаҳри Тошкент вилояти Чирчиқ давлат педагогика инсттути Спорт ва чақириққача ҳарбий таълим факультети, Тасвирий санъат кафедраси. Электрон почта манзили: xayitsultanov@gmail.com
-
- “Танлов” ғолибларини тақдирлаш:
Ғолиблар ҳар бир ёш тоифаси бўйича белгиланади ва тўплаган баллари йиғиндиси бўйича аниқланади.
Дипломда ғолиб иштирокчининг фамилияси, исми, шарифи, таълим муассасаси, ҳамда ўқитувчи-устозининг фамилияси, исми, шарифи, таълим муассасаси коллиграфия шаклида компьютерда ёзилади.
“Танлов” ғолиблари I, II, III даражали Диплом билан тақдирланади.
“Танлов”да ғолиб бўлмаган иштирокчиларга Сертификат берилади.
9. Якуний қоидалар:
Ушбу Низом Ўзбекистон Бадиий Академияси, Тошкент вилояти халқ таълими бошқармаси, Тошкент вилояти Чирчиқ давлат Педагогика институти, Тошкент вилояти ҳунармандлар уюшмаси билан келишган ҳолда ишлаб чиқилади ва тасдиқланади.
Низомга ўзгартириш ва қўшимчалар киритиш муассисларнинг таклифи асосида Ташкилий Қўмитанинг қарори билан амалга оширилади.
Мазкур Низомнинг амал қилиш муддати чекланмаган.
-
- НАМУНА
АРИЗА
иштирокчининг ФИО тўлиқ ёзилади
__________________________________________________________________ иштирокчи устозининг ФИО тўлиқ ёзилади
_________________ тумани № ____ - __________________________ мактаби
Лойиҳа номинацияси ______________________________________________
Ёши_____ синфи ____________
Сана ____________________